९ माघ, काठमाण्डौं । उपत्यकाभित्र चल्ने एउटा ट्याक्सीले यात्रुसित दैनिक सरदर आठ सय रुपियाँ ठग्ने गरेको भेटिएको छ । महानगरीय ट्राफिक प्रहरी महाशाखाका अनुसार ४१ प्रतिशत ट्याक्सी ठगीमा संलग्न छन् । महाशाखाले ठग्ने ट्याक्सीविरुद्ध कारबाही सुरु गरेयताको विश्लेषणबाट यो तथ्य खुलेको हो । उपत्यकाभित्र अहिले दैनिक सात हजार ट्याक्सी गुड्छन् । तीमध्ये ४१ प्रतिशत अर्थात् दुई हजार आठ सय ७० ट्याक्सी ठगी धन्दामा रहेको महाशाखाले जनाएको छ । यस आधारमा ट्याक्सी चढ्ने यात्रुबाट दैनिक करिब २३ लाख रुपियाँको ठगी हुने गरेको छ ।
महाशाखाका प्रवक्ता डिएसपी पवन गिरीले दिनमा एउटा ट्याक्सीले औसत एक हजार ८ सय रुपियाँ कमाउने गरेको जानकारी दिए । ‘तर, त्यसमा १ हजार रुपियाँ मात्र चोखो कमाइ हुन्छ, आठ सय त उनीहरूले बढी मिटर उठाएर ठगेका हुन्छन्,’ उनले भने । ट्याक्सीबाट दैनिक यति ठूलो ठगी हुने गरेको देखिएपछि हामीले कारबाही अभियान सुरु गरेका हौँ ।’
ट्राफिक प्रहरीको नेतृत्वमा ठगी गर्ने ट्याक्सी चालक धमाधम पकाउ पर्न थालेपछि अहिले ट्याक्सी चालक आफैँ ट्याक्सी चेक गराउन नाप तौल तथा गुणस्तर विभागमा पुग्न थालेका छन् । उपत्यकाभित्र सञ्चालित अधिकांश ट्याक्सीबाट यात्री ठगिएको जनगुनासो बढ्न थालेपछि ट्राफिक प्रहरीको नेतृत्वमा चेकजाँच सुरु गरिएको सौर्य दैनिकमा खबर छ ।
चेकजाँचका क्रममा ‘कल फास्ट’ गरेर चलाउने ४० भन्दा बढी ट्याक्सी चालक कारबाहीमा परेका छन् । यस्तै, मिटरमा जान नमान्ने ५० वटा ट्याक्सी चालकमाथि कारबाही भएको छ । मिटर नचल्ने बनाएको वा मिटर बिगारेका ३१ जना, भाडा बढी लिने ३४ जना, मिटरको सिल तोडेर चलाउने ९ जना, यात्रु बोक्न नमान्ने ६ जना र मिटर नराखी चलाउने ३ जना पनि फन्दामा परेका छन् । १ हप्ताको बीचमा यात्रुलँई ठग्ने १ सय ९५ जना ट्याक्सी चालक कारबाहीमा परेको महाशाखाका प्रवक्ता गिरीले बताए ।
कोटेश्वरदेखि ट्याक्सीमा चढ्न तयार रहेकी संगीता थापाले ट्राफिक प्रहरीको कारबाहीप्रति खुसी व्यक्त गरिन् । उनले भनिन्, ‘अब यो अभियानले राहत त होला तर कहिलेसम्म हो, हेरौँ उनी भन्दै थिइन् ।’ ट्राफिक महाशाखाका गिरीले ट्याक्सी चालकको ठगी गर्ने क्रम नघटेमा ट्याक्सी चेकजाँचमा सादा पोसाकका प्रहरीसमेत खटाउन सक्ने जानकारी दिए ।
ठग्न नपाएपछि विरोध
ट्राफिक प्रहरीले ठगी गर्ने ट्याक्सीमाथि कारबाही सुरु गरेपछि उपत्यकाका केही ट्याक्सी मजदुर संगठन आन्दोलनमै उत्रेका छन् । उनीहरूले दैनिकजसो राजधानीका विभिन्न स्थानमा विरोधका कार्यक्रम गरिरहेका छन् ।
नेपाल मिटर ट्याक्सी व्यवसायी संघका उपाध्यक्ष नारायण श्रेष्ठले केही ट्याक्सी मजदुरले सुरु गरेको आन्दोलनप्रति आफूहरूको समर्थन नरहेको बताए । उनले भने, ‘ट्राफिक प्रहरीले हामीसित छलफल गरेरै अभियान सुरु गरेको हो, यसमा हाम्रो पूर्ण समर्थन छ ।’
मिटर चेक गराउन भिड
ट्राफिक प्रहरीको नेतृत्वमा ठगी गर्ने ट्याक्सी चालक धमाधम पकाउ पर्न थालेपछि अहिले ट्याक्सी चालक आफैँ ट्याक्सी चेक गराउन नाप तौल तथा गुणस्तर विभागमा पुग्न थालेका छन् । उपत्यकाभित्र सञ्चालित अधिकांश ट्याक्सीबाट यात्री ठगिएको जनगुनासो बढ्न थालेपछि ट्राफिक प्रहरीको नेतृत्वमा चेकजाँच सुरु गरिएको हो ।
चेकजाँचका क्रममा ‘कल फास्ट’ गरेर चलाउने ४० भन्दा बढी ट्याक्सी चालक कारबाहीमा परेका छन् । यस्तै, मिटरमा जान नमान्ने ५० वटा ट्याक्सी चालकमाथि कारबाही भएको छ । मिटर नचल्ने बनाएको वा मिटर बिगारेका ३१ जना, भाडा बढी लिने ३४ जना, मिटरको सिल तोडेर चलाउने ९ जना, यात्रु बोक्न नमान्ने ६ जना र मिटर नराखी चलाउने ३ जना पनि फन्दामा परेका छन् ।
यसरी ठग्छन् ट्याक्सी चालकले
मिटर ट्याक्सीका लागि सरकारले तोकेको प्रतिकिलोमिटर भाडादर बिहान ६ बजेदेखि बेलुका ९ बजेसम्मका लागि ३२ रुपियाँ हो । बेलुका ९ बजेपछि बिहान ६ बजेसम्मको भने प्रतिकिलोमिटर ४८ रुपियाँ तोकिएको छ ।
ट्याक्सीको मिटर नापतौल तथा गुणस्तर विभागले अनिवार्य रूपमा सिल गरी सिफारिस गरेको हुनुपर्छ । ट्याक्सी चालकले बदमासी गर्ने यहीँ हो । नियमत: विभागले सिल गरेको मिटर ट्याक्सी चालकलाई छुने पनि अनुमति हुँदैन । तर, उनीहरू सिल नै फोडिदिन्छन् र ग्राहकले थाहा नपाउनेगरी मिटरको स्पिड बढाउने विधि अपनाउँछन् । त्यसलाई उनीहरू ‘छुस् गर्ने’ वा ‘आर्थिङ गर्ने’ भन्छन् । उनीहरूले गरेको यो बद्मासीबारे सामान्य यात्रुलाई थाहै हुँदैन ।
प्राविधिकका अनुसार सिल तोडिएको मिटरको तारमा अर्कै तार जोडेर स्विच बटम बनाइन्छ । बटम लगेर ब्रेक, हर्न, स्टेरिङ या ढोकामा अरूले नदेख्ने गरी जडान गरिन्छ । जब यात्रु ट्याक्सीमा चढ्छन्, चालकले मौका हेरी बटम दबाइदिन्छ र मिटर बेस्करी घुम्न थाल्छ । अर्को तरिका हो, मिटर बिगार्ने वा बढी स्पिडमा घुम्ने बनाउने । मिटर बिगारेका ट्याक्सी चालकले पहिले केही नभनी यात्रु चढाउँछन् र पछि मिटर बिग्रेको छ भन्दै पैसाको बार्गेनिङ गर्छन् । हतारमा रहेका यात्रु पैसा दिएर हिँड्छन् ।
No comments:
Post a Comment