२ माघ, काठमाण्डौ । पाकिस्तानको सर्वोच्च अदालतले प्रधानमन्त्री राजा परवेज अशरफलाई गिरफ्तार गर्न आदेश दिएको छ । उर्जामन्त्री रहँदा भ्रष्टाचार गरेको आरोपमा पाकिस्तानी अदालतले अशरफसहित अन्य १६ जनालार्इ गिरफ्तार गर्न यस्तो आदेश दिएको हो ।
सन् २०११ को फेब्रुअरीमा भ्रष्टाचारको आरोप लागेपछि उर्जामन्त्रीवाट राजीनामा दिएका अशरफ केही समयपछि नै सूचना र विज्ञान मन्त्री बनेका थिए ।
प्रधानमन्त्री अशरफ उर्जामन्त्री भएका बेलाको घटनालार्इ लिएर यस्तो आदेश सुनाएको अन्तर्राष्ट्रिय सञ्चारमाध्यमहरुले जनाएका छन्। पूर्व प्रधानमन्त्री युसुफ राजा गिलानीले राजीनामा दिएको तीन दिनपछि अशरफ नयाँ प्रधानमन्त्री चुनिएका थिए ।
अदालतको आदेशमा त्यहाँको सेनाले पनि समर्थन जनाएका छन् । प्रधानमन्त्रीको राजीनामाको माग गर्दै इस्लामावादमा हजारौको संख्यामा उपस्थित विपक्षीहरुले प्रदर्शन गरिरहेका छन् ।
No comments:
Post a Comment